Херсон учаскесінде мыс-порфир кендеріне іздеу жұмыстарын жүргізу
Херсон учаскесі Ақтөбе облысы Қарғалы ауданының аумағында, Херсон кентінің ауданында орналасқан.
Іздеу жұмыстарының негізгі міндеті пайдалы қазбалардың перспективалы кен көріністерін анықтап, контурлай отырып, С2 және Р1 санаттарының қорлары мен болжамды ресурстарын бағалай отырып, геологиялық жұмыстарды жүргізу, алдын ала геологиялық-экономикалық бағалау және одан әрі геологиялық барлау жұмыстарын негіздеу болып табылады.
Херсон учаскесі бойынша 2020-2021 жылдар аралығында 83 ұңғыма бұрғыланды. Атап айтқанда, геофизикалық ауытқуларды және бұрын анықталған минералдану аймақтарын бағалау үшін 74 іздеу-карталау сипатындағы ұңғыма және 9 іздеу мақсатындағы ұңғыма бұрғыланды.
2022 жылы қосымша зерттеу үшін жобаға өзгеріс енгізілді, зерттелетін алаңда мүжілу қыртысының қалың қабатының таралуына байланысты тау-кен үңгілеу жұмыстары бұрғылау жұмыстарына ауыстырылды. Осылайша, бұрын жүргізілген бұрғылау жұмыстары мен геофизикалық зерттеулердің аномалиясының сипатын зерттеу мақсатында қосымша ұңғымалар бұрғыланады. 400 п.м бойынша 2 ұңғыманы және тереңдігі 200 п.м. 1 ұңғыманы бұрғылау белгіленді.
Бүгінгі таңда «Қазгеология» АҚ тереңдігі 400 п.м. 1 ұңғыманы бұрғылауды аяқтады. Жұмыстарды аяқтағаннан кейін зертханалық зерттеу нәтижелері мыс-порфир түріндегі кен орындарына тән іздеу белгілерін растау бойынша учаскенің болжамды бағалауын жүргізуге мүмкіндік береді.